राजनीति अस्थिरताले कानून कार्यान्वयनमा समस्या : मुख्यमन्त्री शर्मा

सुर्खेत – कर्णाली प्रदेशका मुख्यमन्त्री राजकुमार शर्माले राजनीति अस्थिरताले कानून कार्यान्वयनमा समस्या भएको बताएका छन्। बुधबार वीरेन्द्रनगरमा भएको नेपाल कानुन समाजद्वारा आयोजित संघ, प्रदेश, स्थानीय सरकारको प्रभावकारी समन्वय र स्थानीय सरकारको वर्तमान अवस्था र भावि रणनीति विषयक अन्तक्रिर्या कार्यक्रममा मुख्यमन्त्री शर्माले यस्ताे बताएका हुन्।

मुख्यमन्त्री शर्माले राजनीति अस्थिरताले कानून कार्यान्वयन समस्या भएको वित्तीय संघीयता ठिक ठाउँमा लागू नभएको र यसलाई प्रभावकारी बनाउनुपर्नेमा जोड दिए।

‘संघीयता कार्यनयनका विषयमा प्रश्नहरु उठ्न स्वभाविक हाे प्रशासनीय संघीयताका कुरा पनि उठेका छन्। यसलाई पनि हल गर्नुपर्छ। राष्ट्र निर्माण, जनता र राष्ट्रका लागि कानून हो। यसमा चुनौती रहेका छन्। त्यसमा छलफल गर्नुपर्ने छ।’ शर्माले भने।

यस्तै, मुख्यमन्त्री शर्माले स्थानीय तह जग हो जग विना कुनै पनि काम गर्ने नसकिने बताए।

ऐन, कानून निर्माण नगरेर, कार्यविधि मात्रै बनाएर काम गर्ने प्रचलनको अन्त्य गर्नुपर्ने मन्त्री जिसीले बताए। प्रदेशले निर्माण गरेको एकल अधिकारका विधेयकलाई छिटोभन्दा संसदमा लैजाने र त्यहाँबाट पारित गरेर संरचनात्मक विकास र स्थापनाका लागि मन्त्रालयबाट अगाडि बढाउने सोच बनाएको बताए।

उक्त कार्यक्रममा कर्णाली प्रदेशका मन्त्रीहरु, प्रदेश सभा सदस्यहरु, पालिका प्रमुख, उपप्रमुख तथा कानूनका विद्यार्थीहरुको उपस्थिति रहेको थियो।