जतिसक्दो चाँडो कांग्रेस नेतृत्वमा सरकार बनाउनुपर्छ : शेखर कोइराला

नुवाकोट – नेपाली कांग्रेसका वरिष्ठ नेता शेखर कोइरालाले देशको समस्या समाधानका लागि अहिलेको सरकारको विकल्प आवश्यक रहेको बताएबा छन्। उनले कांग्रेस आफैं सक्षम हुँदाहुँदै अरुलाई नेतृत गर्न दिनु नै भुल भएको बताए।

कांग्रेसले वर्तमान सरकारलाई सहयोग गरिरहेका कारण प्रधानमन्त्री पुष्पकमल दाहालले एक वर्षको कार्य प्रगतिविवरण पेस गर्नुपर्ने उनको माग छ। उनले कांग्रेसकै पदाधिकारी, नेता, जनप्रतिनिधि तथा कार्यकर्ताबीच सहकार्य र समन्वय नहुँदासमेत समस्या आइरहेको बताए।

उनले भने, ‘सरकारसँग जनता निराश छन्, जताततै बेथिति मौलाएको छ, भ्रष्टाचार बढेको छ। जतिसक्दो चाँडो सरकार परिवर्तन गर्नुपर्छ र सरकारको नेतृत्व कांग्रेसले लिनुपर्छ, अहिलेको नेतृत्वबाट देशले निकास पाउँदैन, जनताले दुःख मात्रै पाउँछन्।