कर्णालीका ६२ हजार भन्दा बढी परिवारका सदस्य अन्य मुलुकमा
सुर्खेत – कर्णाली प्रदेशका ६२ हजार सात सय २८ परिवारका सदस्य अन्य मुलुकमा रोजगारी तथा विविध कारणवश बसोवास गर्दै आएको पाईएको छ । जसमध्ये ९४ हजार तीन सय २० जना नागरिक विदेशमा बसोवास गर्छन् । राष्ट्रिय तथ्यांकका आधारमा यो संख्या ज्यादै न्यून भने हो ।
राष्ट्रिय जनगणना २०७८ का अनुसार नेपालभरको तुलनामा कर्णालीबाट विदेशीनेमा कुल चार दशमलव ३१ प्रतिशत मात्र छ । यसअघि २०६८ को जनगणनाका अनुसार कर्णाली प्रदेशबाट ६७ हजार पाँच सय ८२ जना विदेशमा बसोवास गर्दै आएका थिए । विगत १० वर्षको समयमा यो संख्या बढेर ९४ हजार पुगेको छ । १० वर्षको समयमा थप ३५ हजार पाँच सय ७९ जना कर्णालीबाट विभिन्न कारणले विदेशिएका छन् ।
हालको जनगणना अनुसार कर्णाली प्रदेशको कुल जनसंख्या १६ लाख ८८ हजार चार सय १२ जना पुगेको छ । कर्णालीबाट विदेशिएकामा पुरुषको संख्या ७७ हजार दुई सय ७८ जना छ भने महिलाको संख्या १७ हजार ४२ जना रहेको तथ्यांकले जनाएको छ । कर्णालीमा कुल तीन लाख ६६ हजार दुई सय ५५ परिवार संख्या पुगेको छ ।
ई-कर्णाली खबर
२० चैत्र २०७९, सोमबार ०६:२५