बेथिति रोकेर सुशासन कायम गर्न कर्णाली सरकार लागिपरेको छ : मुख्यमन्त्री कँडेल

कालीकोट – कर्णाली प्रदेशका मुख्यमन्त्री यामलाल कँडेलले भ्रष्टाचार र बेथिति रोकेर सुशासन कायम गर्न प्रदेश सरकार लागि परेको बताएका छन्।
उनले मुख्यमन्त्री भएदेखि भ्रष्टाचार, बेथिति र सुशासनका विषयमा आफू गम्भीर भएको बताएका हुन्। सान्नी त्रिवेणी गाउँपालिकाको नवनिर्मित भवन उद्घाटन गर्दै मुख्यमन्त्री कँडेलले कानुनलाई साक्षी राखेर हालसम्म कुनै गल्ती नगरी प्रदेश सरकारको कामकाज सञ्चालन गरिरहेको दाबी गरे।
उनले भने, ‘राष्ट्र र राष्ट्रियताको पक्षमा गरिने विद्रोह होस् या आन्दोलनमा युवालाई साथ दिने छौं। युवा विरोधी कुनै पनि सरकार छैन। सत्य कुरामा युवाको मागलाई प्रदेश सरकारले सधैँ समर्थन गर्ने छौं।’
मुख्यमन्त्री कँडेलले जेनजीको नाममा भएको भदौ २३ र २४ गतेको आन्दोलनलाई समर्थन गर्न भने नसकिने बताए।